कॉपीबहाद्दरांची पदवी मिळविण्यासाठी सीमा ओलांडून घोडदौड !
बुलढाणा, ७ जुलै इव्हिनिंग (गुड सिटी/अजय काकडे) : दहावी बारावीचे निकाल लागून एक महिना झाला आहे. त्यामुळे अनेक ठिकाणी अजूनही प्रवेशाची प्रक्रिया सुरू आहे. बुलढाणा जिल्ह्यातील अनेक मुले-मुली हे मरावाड्यातील शाळा कॉलेजांमध्ये प्रवेश घेत आहे. याचे कारण काही सांगतात की स्पर्धा परिक्षेची तयारी करायची किंवा इकडे पास होत नाही म्हणून तिकडे जातात. तर काही विद्यार्थी सांगतात की कॉलेज नियमित करावे लागत नाही. अशा प्रकारे विविध कराणे सांगून जालना जिल्ह्यातील अनेक शाळा कॉलेजमध्ये बारावी व पदवीसाठी प्रवेश करतात. दहावी उत्तीर्ण विद्यार्थ्यांकडून शैक्षणिक सत्र सुरू झाल्यानंतरही अकरावीला प्रवेश घेण्यासाठी गर्दी दिसून येत आहे. जिल्ह्यातील विविध कनिष्ठ महाविद्यालयांमध्ये सुमारे ४० हजार जागा आहेत. तर यावर्षी ३७ हजार ५९० विद्यार्थी दहावी उत्तीर्ण झाले आहेत. त्यामुळे विविध शाखांमध्ये दोन हजारांहून अधिक जागा रिक्त राहिल्याचे चित्र आहे. शहरातील महाविद्यालयांमध्ये प्रवेश घेण्यासाठी विद्यार्थी फारसे उत्साही नसल्याची धक्कादायक माहिती समोर आली आहे. राज्याच्या शिक्षण विभागाच्या माहितीनुसार, १ जुलैपासून शैक्षणिक सत्र सुरू झाले आहे. हे पाहता सध्या जिल्ह्यात अकरावीचे प्रवेश सुरू आहेत. जिल्ह्यात इयत्ता अकरावीच्या विविध शाखांच्या ६६७ तुकड्या आहेत. यामध्ये सध्या ४० हजार २० जागांसाठी प्रवेश प्रक्रिया राबविण्यात येत आहे. तर १० वीचा निकाल २७ मे रोजी जाहीर झाला आहे. यामध्ये जिल्हाभरातील विविध शाळांमधील ३७ हजार ५९० विद्यार्थी उत्तीर्ण झाले आहेत. त्यापैकी १७ हजार ८१७ विद्यार्थी प्राविण्य श्रेणीत उत्तीर्ण झाले आहेत, तर १२ हजार २६९ विद्यार्थी प्रथम श्रेणीत उत्तीर्ण झाले आहेत. आहेत. विशेष म्हणजे जिल्ह्यातील कला शाखेच्या २४२ शाखांमधील १४ हजार ५२० जागांसाठी प्रवेश प्रक्रिया सुरू आहे. तसेच विज्ञान शाखेच्या ३४४ तुकड्यांमध्ये २० हजार ६४० जागा उपलब्ध आहेत. वाणिज्य शाखेच्या ६४ विभागातील ३ हजार ८४० तर इतर विभागातील १७ विभागातील १ हजार २० जागांसाठी प्रवेश प्रक्रिया सुरू आहे. चांगल्या महाविद्यालयांमध्ये विज्ञान शाखेच्या प्रवेशासाठी काही प्रमाणात स्पर्धा असते, असे वास्तव अनेक कनिष्ठ महाविद्यालयातील शिक्षक सध्या विद्यार्थ्यांच्या शोधात आहेत. दोन जागांच्या तुलनेत हजारांहून अधिक विद्यार्थी उत्तीर्ण झाले आहेत. एक हजार ४३० जागा रिक्त राहणार आहेत. तसेच, चांगल्या गुणांनी उत्तीर्ण झालेले विद्यार्थी पॉलिटेक्निक आणि आयटीआयमध्ये प्रवेश घेत असल्याने या रिक्त जागा वाढतील. हे विशेष महाविद्यालयांनी विद्यार्थ्यांना उत्तीर्ण होण्याची हमी दिली. बुलढाण्याला लागून असलेल्या मराठवाड्यातील खेड्यांमध्ये असलेल्या कनिष्ठ महाविद्यालयांकडे विद्यार्थ्यांचा कल अधिक आहे. आश्चर्याची बाब म्हणजे ही महाविद्यालये विद्यार्थ्यांना उत्तीर्ण होण्याची हमी देतात. ग्रामीण भागातील विज्ञान प्रवाहात प्रवेश घेण्यासाठी अनेक विद्यार्थी पात्र ठरण्याची हमी असते. तसेच वर्षभर महाविद्यालयात यावे लागत नाही, त्यामुळे बुलढाणा शहरातील अनेक विद्यार्थी गावात दाखल होतात. अनेक विद्यार्थी नापास होण्याच्या भीतीने कनिष्ठ महाविद्यालयात नाममात्र प्रवेश घेतात. NEET आणि इतर परीक्षांसाठी खाजगी शिकवणी देऊन ग्रामीण भागातून उत्तीर्ण होण्याची परंपरा आहे.
.. तर हे काय देशाचं भविष्य घडवू शकतील.
दोन रूपये किलो धान्य देऊन लोकांच्या पोटाची भुक भागवली आहे. परंतू आजपर्यंत या जिल्ह्याच्या ज्ञानाची भूक भागवू शकलो नाही. आज आशी परिस्थिती आहे की, बुलढाणा जिल्ह्यात ऐवढे शाळा कॉलेज असतांना सुध्दा आकरावी बारावीच्या विद्यार्थ्यांनी टीसी काढल्या आहेत. त्यातील ७० टक्के विद्यार्थ्यांनी धाड, पारध व जालना जिल्ह्यातील अनेक शाळा कॉलेजांमध्ये प्रवेश घेतलेले आहेत. ज्या ठिकाणी सरकार शिक्षण फुकटामध्य देते. त्या ठिकाणी प्रत्येक पालकाला ३० ते ४० हजार रूपये द्यावे लागतात. आपल्या मुलांना कॉपी करून बारावी पास होण्यासाठी. हा मुलगा उद्या बारावी पास झाल्यानंतर काय शिकणार आहे ? कुठे जाणार आहे ? अशा पध्दतीने बारावीची परिक्षा घेतली जात असेल. अन् नीटची परिक्षा होत असेल तर कसे डॉक्टर घडतील आणि ते देशाचं वाटोळं करून टाकतील. सगळ्या जिल्ह्यांमध्ये कॉपी सेटर सुरू झाले आहे. त्यामुळे अशा प्रकारे कॉपी करून विद्यार्थी पास होत असतील तर हे काय देशाचं भविष्य घडवू शकतील.
– राधेश्याम चांडक (भाईजी)
(बुलढाणा अर्बन संस्थापक)
