बुलढाणा, १८ ऑगस्ट (गुड इव्हिनिंग सिटी) : कोलकाता अत्यचार घटनेतील महिला डॉक्टरला काल बुलढाण्यात कैंडल मार्च काढून श्रध्दांजली वाहण्यात आली. भाविका धनवानी, मोक्षदा धनवानी यांच्या संकल्पनेतून काल रात्री बुलढाण्यात जयस्तंभ चौक ते हुतात्मा गोरे स्मारकापर्यंत कैंडल मार्च काढण्यात आला होता. त्यानंतर हुतात्मा गोरे स्मरकावर कैंडल लावण्यात आल्या. त्यानंतर काही घोषण देण्यात आल्या. यावेळी काही काँग्रेस नेत्त्या जयश्रीलाई शेळके, अॅड. शर्वरीताई तुपकर, भाजप नेत्या स्मितताई चेकेटकर, शायनाताई पठाण, बुशरा शेख, रुपल ताठेड, रेणूका कुळकर्णी, विद्यार्थीनी, सामाजिक कार्यकर्ते व महिलांनी आपले मनोगत व्यक्त केले. तसेच वसुंधरा टीमच्या प्रतिनिधी शितल सोनुने यांनी काही मागण्या मांडल्यात, सर्व सरकारी व खाजगी कार्यालयात बँका शाळा रेल्वे स्टेशन बस स्टॅन्ड हॉस्पिटल जिथे जिथे महिला कार्यरत आहे अशा सर्व ठिकाणी सुरक्षा व्यवस्था काटेकोर असावी. २. गुन्हेगारांचा शोध घेऊन शक्य तितक्या लवकर त्यांच्यावर कठोरात कठोर शिक्षा लागू करून त्यांना पाठीशी घालणाऱ्यांना सुद्धा शिक्षा त्वरित करणे आणि पीडीत व पिढीतेच्या कुटुंबाला लवकरात लवकर न्याय मिळवून देणे. यासह इतर मागण्याचा समावेश होता. त्या मागण्यांची प्रत जिल्हाधिकारी व जिल्हा पोलिस अधिक्षक यांना देण्यात येणार आहे. कोलकाता घटनेतील महिला डॉक्टरला श्रध्दांजली वाहण्यात आली. त्यानंतर याचा समारोप करण्यात आला. या कार्यक्रमाचे सुत्रसंचालन रणजीतसिंग राजपूत यांनी केले. यामध्ये मोठ्या संख्येने बुलढाणेकर सहभागी झाली होते. तसेच यामध्ये विविध समाजिक संघटनाचा सुध्दा सहभाग होता यामध्ये रुद्र गृप, जैन संघटना, मदर टेरेसा नर्सिंग होम, श्री संघ, आरएसएस राष्ट्रीय सेविका समिती, स्टे स्ट्रॉग सोसायटी, नरोरा असोसिएशन, विदर्भ युवक संस्था, मुकुल बासनिक विधी मंडळ, वनिता समाज मंडळ, डॉ. राजेंद्र गोडे नर्सिंग कॉलेज, अघाद हिंद संघटना, भाजपा महिला मोर्चा, भाजप शहर, दिशा महिला बचत गट, बालाजी सेवा समिती, स्वा. शंकरराव माळी बहिस्थ केंद्र, सावता माळी, शेतकरी संघटना, ओबीसी अधिकारी कर्मचारी संघ, तुळजाई महिला बचत गट, अंधश्रध्दा निर्मलन समिती यांचा समोवश होता.
