बुलढाणा, 21 जानेवारी (गुड इव्हिनिंग सिटी) ः बातमी खरंच खळबळजनक आहे. मोताळा तालुक्यातील ग्राम रोहीणखेडचे सरपंच हरविले आहेत. संतोष देशमुख प्रकरणानंतर राज्यात सर्वत्र सरपंचपदाकडे लक्ष केंद्रीत झालेले आहे. सरपंचांच्या बाबतीत कुठेही काही झालं तरी आता सर्वांचेच कान टवकारले जात आहेत. म्हणून रोहीणखेडचे सरपंच हरविले आहेत, अशी बातमी समोर आल्यानंतर खळबळ तर उडणारच. रोहीणखेडचे सरपंच डॉ. भानुदास हुंबड हरविले आहेत, असा एक फ्लेक्स रोहीणखेडच्या बसस्टॅण्डवर झळकला आहे. खरंच डॉ. भानुदास हरविले आहेत का ? असा प्रश्न उपस्थित होत आहे. परंत्ुा याच बॅनरने हे प्रकरण पुढे काय आहे, याचा उलगडा केला आहे. वास्तविक , सरपंच हरविले आहे, हे डिजीटल बॅनर सरपंचांच्या कार्यशैलीविरोधात होत्ो. कारण पुढचे वाक्य होत्ो की, शोधून आणून देणाऱ्यास 20 पैशांचे बक्षीस दिले जाईल. खाली त्रस्त गावकरी, असे लिहीले आहे. अर्थातच सरपंच यांच्या विरोधातील हे उपरोधिक बॅनर होत्ो. हे बॅनर ग्रामपंचायत कर्मचारी गणेश भोपळे यांनी काढून टाकल्याची माहिती आहे. परंत्ुा बसस्टॅण्डवर खुले आम लावलेले हे बॅनर दिवसभर चर्चेचा विषय ठरले. गावातील घाण-कचरा आणि नाल्यांची दुरावस्था, याला घेवून सदर बॅनर लावण्यात आले होत्ो. सरपंच या समस्यांकडे दुर्लक्ष करीत असल्याची ओरड नागरिकांची आहे. म्हणूनच कुणीतरी अज्ञाताने हे बॅनर लावले आणि त्ो सुद्धा अशा ठिकाणी जिथे सर्वत्र कचराच कचरा होता. आता संबंधित ठिकाणी बॅनर नाही. पण बॅनर काढणाऱ्याने कचरा स्वच्छत्ोची विल्हेवाट का लावली नाही? असा सवालही उपस्थित केला जात आहे. यासंदर्भात सरपंच डॉ. हुंबड यांची प्रतिक्रिया काय आणि काय भूमिका घेतात, हे कळेलच.
