बुलढाणा नगर पालिका निवडणूकीला ब्रेक…?

बुलढाणा, ३० नोव्हेंबर (गुड इव्हिनिंग सिटी) ः बुलढाणा नगर परिषद निवडणूकीला ब्रेक लागल्याचे शीर्षक वाचून अनेकांना धक्का बसला असेल. धक्का बसणे पण सहाजिकच आहे. कारण आता निवडणूक अंतीम टप्प्यात असतांना अशी बातमी आली आहे. नगरपालिका आणि नगरपरिषदांच्या निवडणुकींच्या प्रचारासाठी आज सुपर संडे आहे. उद्या प्रचाराच्या तोफा थंडावतील. पण त्यापूर्वीच एक मोठी अपडेट समोर येत आहे. राज्यातील काही नगरपालिका, नगरपरिषदांच्या निवडणुकीला ब्रेक लागला आहे. या ठिकाणची निवडणूक पुढे ढकलण्यात आली आहे. या घडामोडींमुळे कार्यकर्ते आणि उमेदवारांच्या उत्साहावर पाणी फेरले गेले. याठिकाणी राज्य निवडणूक आयोगाने पुन्हा निवडणुकीचा कार्यक्रम जाहीर केला आहे.  जिल्ह्यातील ११ नगर पालिकांसाठी २ डिसेंबरला मतदान आणि ३ डिसेंबरला मतमोजणी होणार आहे. बुलढाणा  जिल्ह्यातील खामगाव, शेगाव, देऊळगाव राजा आणि नांदुरा या नगर पालिकांचा समावेश आहे. त्यामुळे या नगर पालिकांना ब्रेक लागण्याच्या सावटा खाली आहे.  प्रभागांच्या निवडणूका थांबणार की  पूर्णच यावर काही वेळात निर्णय येणार आहे.
अहिल्यानगर, धाराशीव आणि सातारा जिल्ह्यातील काही नगर पालिकांसाठी आहे.
अहिल्यानगर जिल्ह्यातील कोपरगाव, देवळाली प्रवरा, नेवासा आणि पाथर्डी या चार ठिकाणी निवडणुका पुढे ढकलल्या. नगराध्यक्षपदाच्या उमेदवाराबद्दल कोर्टात अपिल असल्याने नगरपरिषद निवडणूक पुढे ढकलली आहे. याबरोबरच सात नगरसेवक पदाच्या उमेदवाराबाबत कोर्टात अपिल असल्याने त्या ठिकाणी देखील मतदान प्रक्रिया पुढे ढकलण्यात आल्या आहेत. पुढे ढकललेल्या नगरपरिषद आणि नगरसेवक पदाच्या निवडणूक प्रक्रियेमध्ये १० डिसेंबर पर्यंत माघार घेण्यासाठी मुदत, तर २० डिसेंबर मतदान आणि २१ डिसेंबर रोजी मतमोजणी होणार असल्याची माहिती समोर आली आहे.