■ तात्काळ घाणीची विल्हेवाट लावण्याची ग्रामस्थांची मागणी
बुलढाणा, ५ नोव्हेंबर (गुड इव्हिनिंग सिटी) : तालुक्यातील कोलवड येथे घाणीचे साम्राज्य दिसून येत आहे. ज्या कोलवड गावाला १९६२ मध्ये आदर्श गाव म्हणून नाव लौकीक मिळावलेल्या कोलवड गावात आज मोठ्याप्रमाणात घाणीचे साम्राज्य दिसून येत आहे. दिवाळीचा सण सुरू असतांना सुध्दा ग्रामपंचायकडून कुठल्याच प्रकारचे स्वच्छता अभियान राबविण्यात आले नाही. गावातील अंगणवाडी समोर, मोराती मंदिर परिसर तसेच ग्रामपंचायत च्या जवळी काही भागात घाण दिसून येत आहे. याकडे ग्रामपंचायत प्रशासन दुर्लक्ष करतांना दिसून येत आहे. अनेकवेळा ग्रामपंचायत प्रशासनाला व पदाधिकाऱ्यांना याबाबत माहिती दिली. तरी त्यांनी हे गांभिर्याने घेतले नाही. जर येणाऱ्या कालावधीत याबाबत कुठले ठोस पाऊल उचले नाही तर आक्रमक स्वरूपाचा निर्णय घेण्यात येणार असल्याचे गावकऱ्यांनी सांगितले. लवकरात लवकर घाणीचे विल्हेवाट लावावी अशी मागणी गावकऱ्यांनी केली आहे.
