बुलढाणा, 02 ऑगस्ट (गुड इव्हिनिंग सिटी) :- बुलढाणा जिल्हा परिषदेच्या वित्त विभागात कार्यरत असलेल्या एका तरुण महिला कर्मचारीने गळफास लावून आत्महत्या केली. आज संध्याकाळी ऑफिस सुटल्यावर सर्क्युलर रोडवरील जिल्हा परिषदेच्या शासकीय निवासस्थानी पोहोचलेल्या सोनल मनीष परदेसी (वय 35) यांनी आत्महत्या केली. सासू सासरे घरी असतांना त्यांनी दुसऱ्या खोलीत जाऊन पंख्याला गळफास लावला. त्यांचा मृतदेह पोस्ट मार्टम साठी जिल्हा रुग्णालयात पाठविण्यात आला आहे. मृतक महिला कर्मचारीचे माहेर साखरखेर्डा आहे. त्याठिकाणाहून मृतकचे नातेवाईक बुलढाणाकडे निघाले असल्याची माहिती आहे. सोनल परदेसी यांनी का आत्महत्या का केली याचे कारण कळु शकले नाही.
