बुलढाणा, १५ जानेवारी (गुड इव्हिनिंग सिटी) : सासू खट्याळ असल्याचे अनेक घटना घडतात. पण सुन खट्याळच नाही तर सासूला मारहाण केल्याची घटना घडली आहे. कौटुंबिक वादातून स्वतःच्या सासू व पतीला गंभीर मारहाण करणाऱ्या सुनेला बुलढाणा येथील न्यायालयाने दोषी ठरवत तीन महिन्यांच्या साध्या कारावासाची व दंडाची शिक्षा सुनावली आहे. ज्येष्ठ नागरिकांवरील घरगुती हिंसाचाराच्या प्रकरणात न्यायालयाचा हा निकाल महत्त्वपूर्ण मानला जात आहे. बुलढाणा शहरातील समर्थ नगर भागात वास्तव्यास असलेल्या कमल श्रीराम राठोड (वय ७९) यांच्याशी त्यांची सून मिनल पंकज राठोड (वय ३२) हिचा २४ ऑगस्ट २०२३ रोजी घरगुती कारणावरून वाद झाला होता. या वादातून आरोपी मिनल हिने रागाच्या भरात आपल्या ७९ वर्षीय सासूला धक्का देऊन गंभीर दुखापत केली. तसेच आईला वाचविण्यासाठी मध्यस्थी करणाऱ्या पती पंकज राठोड यालाही मारहाण केल्याची घटना घडली होती. या प्रकरणी कमल राठोड यांनी बुलढाणा शहर पोलीस ठाण्यात तक्रार दाखल केली होती. त्यावरून पोलीसांनी गुन्हा क्र. ७६३/२०२३ नुसार भारतीय दंड संहितेच्या कलम ३२५, ३२३ व ५०६ अंतर्गत गुन्हा दाखल केला. पोलीस अंमलदार नामदेव खवले यांनी तपास करून दोषारोपपत्र न्यायालयात सादर केले.
 |
|
